Igualdade de Xénero é unha iniciativa que se enmarca no programa CERV - Cidadanía, igualdade, dereitos e valores da Unión Europea – e contará cun orzamento aproximado de 23 millóns de euros. O obxectivo é promover e aplicar políticas destinadas a lograr o pleno desfrute dos dereitos das mulleres e a igualdade de xénero. En concreto, os proxectos abordarán as seguintes prioridades:

• apoiar a conciliación da vida laboral e persoal, o reparto equitativo das responsabilidades de coidados, as políticas respectuosas coa familia entre os empresarios e o valor dos traballos de coidados.
• Promover e apoiar a aplicación das disposicións da Directiva de transparencia salarial e o respecto da igualdade salarial por un traballo igual e por un traballo de igual valor.
• Apoiar a participación e representación igualitaria de mulleres e homes na toma de decisións económicas e políticas.
• Loitar contra os estereotipos de xénero nos medios de comunicación e na publicidade.

Poderán participar persoas xurídicas (privadas ou públicas) dun Estado membro (incluídos os PTU, «países e territorios de ultramar») ou terceiros países asociados ao programa. CERVAs organizacións con fins lucrativos só poden participar en colaboración con entidades públicas ou organizacións privadas sen fins lucrativos.

A data límite para a presentación de proxectos é 28 abril 2026. Prema aquí para consultar o anuncio completo